شەوە دنیا وەکـو زوڵفت سیاپۆش
وەرە با دەردی دڵ بکرێ فەرامۆش
دەســـم دەســـتۆکـە با بتگرمە باوەش
ئەگەر مردم لە خۆشیان چاوی تۆ خۆش
بە سەرگەردانی ژێر گەردانەکەت بم
بـــەڵاگـــەردانــی باڵا جوانەکەت بم
ئەوە تۆم دی لەسەر کوشتەم دەکەی شین
بـــە گـــۆڕی چـــــــاوی پـــڕ گــریانەکەت بم
شـــەوە, ئەستێرە بەزریون لە سەرمان
لە مانگی ڕووت ھەناسەم بۆتە خەرمان
گەر شەوێک خەونێ نەبینم
بە شیعرەوە
بۆ سبەینێ
بە ئاگاییم
گێلم ئەکا و
سڕڕی زمان و گومانم
بە جارێ بیر ئەچێتەوە
من ئەو شاعیرە سەرشێتەم
شوێنم نییە و
لە تەمتوومان و وێڵ بوون و
غەریبیدا
کلیلی هەرچی شیعرمە
ئەیدۆزمەوە!
من خۆم بووم خۆم
سێدارە هەڵوەشاوەكەم
سەرلەنوێ دروستكردەوەو
بە شانی خۆم هێنامەوە
بەردەم بەغدا!
من خۆم بووم خۆم
ماری سڕبووی ئەم عێراقەم
سەرلەنوێ گەرمكردەوە
تا پێوەم با!!
دڵینابن! شیعر خوێنمە
ڕەنگە بۆ پەستیی شاژنێک
بۆ دڵتەنگی پادشایەک
بۆ ترسی دوای خەو زڕانی
کچە میر و شازادەیەک
بە دڵۆپێ چەند دڵۆپێ
زەردەخەنەی خوێنی شیعرم
وەکوو ساماڵ دڵی پاشا ڕوون کەمەوە.
وەکوو هەتاو
پەستیی شاژن ڕابماڵم
وەک گوڵەباخ
ترسی شازادەی نەنووستوو
گەشکەمەوە..
بەڵام هەر ئەوەندەی جارێ
چووم و خوێنی شیعرم دانێ
دڵنیابن لەو ساتەوە
وشەم.. ئەمرێ.
ڕستەم.. ئەمرێ.
بەستەم.. ئەمرێ.
کەچی هەمان خوێنی شیعرم
بەم ڕۆژگارە
ڕووبارێکە و هەژاری کورد
برینی لەشی پێشمەرگە
کیژی پێ پەتی ناو کێڵگە
یەکە.. یەکە
هەر جۆگەیەک لێی هەڵئەگرن.
کەچی تا بێت
مێوی بیرم هێشووی وشەی
زیاتر ئەگرێ.
باڵی بەستەم، بڵند و بەرز
ئەفڕێ و ئەفڕێ.
دڵنیابن! شیعر خوێنمە
دڵینابن ئەو ڕووبارە
مادەم سەرچاوەکەی "سەر"ی
ئەم گەلەیە
نە کەم ئەکا و
نە وشک ئەکا و
نە ئەشمرێ!
هاتووم «با» فێرم کات،
چۆن ڕووبار ڕاژەنم.
هاتووم بەرد فێرم کات
لەسەر ئەو چۆن بڕوێم.
هاتووم ڕەگ فێرم کات
لە کوێوە بگەمە دڵی خاک.
هاتووم گوڵ فێرم کات
شیعر چۆن جوان ئەبێ.
هاتووم مەل فێرم کات
تەماشام چۆن بفڕێ؟
من هاتووم بۆ ئەوەی ئەم ئاگرە گەورەیەی
ئەوینی نیشتمان تێم بەربێ.
من لێرە، لەناو ئەم، ئەوینە چڕەدا
دڵنیام وەک ڕاستی.
من لێرە، لەناو ئەم، دەربەندی دووکەڵ و ترسەدا
ئاسوودەم وەک سەمای ئازادی
یەکترمان بینیەوە
بەڵام کەی؟!
ئەو وەختەی بەفرانبار لە قژتا و
زەردەپەڕ لە ڕووما و
پاییزێ لە لەشتا و
ئەنگۆرە لە چاوما
هاتبوون
یەکترمان بینیەوە
بەڵام ئاخ
هەر گوێمان بمایە و
یەکترمان نەدیبا!
ــــــــــــــــــــــــــــــــــــــــــ
یکدیگـر را دوباره دیدیم
ولی کی؟!
وقتی که زمستـان در گیسوانت و
غروبی در چهرەام و
خزانی در جسمـت و
غروبی در چشمانم
آشیـان کـرده بودند!!
یکدیگـر را دوباره دیدیم
ولی ای کاش
تنها صـدای هم را میشنیدیـم و
سیمـای هم را نمیدیدیـم...!
ئه من موسلمم خه لكي شاري مه ريوان هيوادارم ئه و كه سانه ي كه سه يري وبلاگه كه م ده كه ن له ته واوي بواری ژيانيان دا هه ر سه ر كه و تو بن , باشي يان خرا پي ئه م وبلاگه بلين تاكو له سه ر ئه م وبلاگه زياتر كار بكه م و به دلتان بيت .