ڕەفێقان ! من ئەوا ڕۆییم لە لاتان
لە مەزڵوومان بڵا چۆڵ بێ وڵاتان

بێڵا سا شار بە شار و دێ بە دێ بین
لە دەس یاران بکەین تەیی وڵاتان

مەڵێن کەڵکی نەبوو ، جەهەننەم!
سەرم قەڵغانە بۆ تیری قەزاتان

سەفەرمان چونکە ڕێی هاتا و نەهاتە
دۆعامان بۆ بکەن ئێوە و خوداتان!

منم سەرکردەتان بۆ لە شکری غەم
دەترسم من بڕۆم ، بشکێ سوپاتان

شکاری وەحشیان بەس دەستەمۆ کەن
نەوەک بەر بێ شکاری خانەزاتان

ئەوەند ئەرجوو دەکا (نالی) کە جارجار
بکەن یادی موحیببی بێ ڕیاتان